BAKETIK

Ti ta stanal ye o’ontonale oy k’usi chk’ot ta pasel.
Voch’ xi to ta a’yel
sbakil ti stalemal kuxlejale;
ja’ jech voch’emtik xa,
snitoj to sba ta stsotsil sjol kuxlejal
tsbal ut ti yorail vok’ebale.

Ti bak lilijem, pukuktik xae ta spuk sba
xvilet ta xa’ chbat sa’ik t’uxijem antsetik,
ja’ no’ox jech ch-ech’ ti k’ak’ale,
ti avanel chamen ta malk’ak’ale
anil xa chk’otik.

TI BALBAL KAROE

Ti balbal karoe luben sat chk’elvan,
ta stsan sbeinel,
tsk’el va’ay u chmuts’sativan.

Ti bee jxanovel no’ox,
mu bak’in xk’ot.

Jkoj k’ejimol ti pat xokonale:
yaxal satil
sikil talelal.

Ji bee jxanovel no’ox
mu bak’in xk’ot.

JPASNA

Ti yi’e k’ux yo’onton ta sk’el jpas na.
Le’e, jun smuk’ul ta sk’upin siminto.
Ta jlikel ta snup’an sk’upinel sbaik
nitil chkomik o
ta sbatel osil banamil.

Ti boch’o satinoj sva’tsanele ta xalbe jpas na:
lajeso k’usi kechel,
xotxotal, skujkujal joybinel,
nojesun ta ton, ta teltel tak’in.

CH’ANAL AK’UBAL

J-it’ix o’on ch’anlej
ta ch’anal ak’ubal,
k’ojil xchi’uk mak satil ch’iem jatemik,
oy sna’obil, sikil tael ta na’el,
pajtsajem vayechil.

Oy yik’ pat o’ontonal jutuk
ta smajbe sni’ ch’anal osil.

O’lol vinajel xa osil k’ak’al
xchi’uk ak’ubal
yajval vayechil.

¡Toj mu xa’ay ti ak’ubale!
¡Toj ch’anal ti osile!
¡Toj ch’anal!

HUESOS

En los dientes del corazón sucede algo.
Se oye el crujir
de los huesos del destino;
y así triturados,
prendidos de los cabellos de la vida
maldicen la hora del parto.

Los huesos hechos polvo se esparcen
y vuelan en busca de mujeres húmedas,
sólo así, se libra del día,
los gritos muertos de la tarde
llegan de prisa.

LA COMBI

La combi observa con ojos cansados,
prende el andar,
mira y hace un guiño.

El camino es pasajero,
nunca llega.

Una canción al ambiente:
verdes ojos,
frío destino.

El camino es pasajero,
nunca llega.

EL ALBAÑIL

La arena mira con amor al albañil.
Él, acaricia solemne al cemento.
En un palmo hacen el amor
y quedan prendidos
en la inmensidad del tiempo.

Con mirada arquitectónica sugieren al albañil:
“Ultima detalles,
curvas y líneas acrobáticas,
préñame con varillas y piedras”.

NOCHE SERIA

Silencio envidioso
de noche seria,
de máscaras y pasamontañas roídas,
de recuerdos, frías nostalgias,
sueños varados.

Un tufillo de esperanzas
golpea el olfato del silencio.

Medio cielo ya el tiempo
y la noche
dueña de sueños.

¡Qué terca noche!
¡Qué silencio!
¡Qué seria!